اَلسَّلَامُ عَلَيْكُمْ وَرَحْمَةُ اللهِ وَبَرَكَاتُهُ
الْحَمْدُ لِلّٰهِ رَبِّ الْعَالَمِيْنَ، وَبِهِ نَسْتَعِيْنُ عَلَى أُمُوْرِ الدُّنْيَا وَالدِّيْنِ، وَالصَّلَاةُ وَالسَّلَامُ عَلَى أَشْرَفِ اْلأَنْبِيَاءِ وَالْمُرْسَلِيْنَ، نَبِيِّنَا مُحَمَّدٍ صَلَّى اللهُ عَلَيْهِ وَسَلَّمَ وَعَلَى اٰلِهِ وَأَصْحَابِهِ وَالتَّابِعِيْنَ وَمَنْ تَبِعَهُمْ بِإِحْسَانٍ إِلىَ يَوْمِ الدِّيْنِ.
أَشْهَدُ أَنْ لَا إِلٰهَ إِلَّا الله وَحْدَه لَاشَرِيْكَ لَهُ الْمَلِكُ الْحَقُّ اْلمُبِيْن. وَأَشْهَدُ أَنَّ سَيِّدَنَا مُحَـمَّدًا عَبْدُهُ وَرَسُوْلُهُ صادِقُ الْوَعْدِ اْلأَمِيْن.
أَمَّا بَعْدُ فَيَا أَيُّهَا الْحَاضِرُوْنَ: اِتَّقُوا اللهَ حَقَّ تُقَاتِهِ وَلَا تَمُوْتُنَّ إِلَّا وَأَنْتُمْ مُسْلِمُوْنَ. فَقَالَ اللهُ تَعَالَى:
يٰٓاَيُّهَا الَّذِيْنَ اٰمَنُوْا قُوْٓا اَنْفُسَكُمْ وَاَهْلِيْكُمْ نَارًا وَّقُوْدُهَا النَّاسُ وَالْحِجَارَةُ عَلَيْهَا مَلٰۤىِٕكَةٌ غِلَاظٌ شِدَادٌ لَّا يَعْصُوْنَ اللّٰهَ مَآ اَمَرَهُمْ وَيَفْعَلُوْنَ مَا يُؤْمَرُوْنَ
Ma’asyiral Muslimin rahimakumullah,
Wonten ing dinten ingkang minulya punika, dinten Jumat ingkang kebak berkah lan rahmat, sumangga kita tansah ngaturaken raos puji miwah syukur dhumateng ngarsa dalem Allah Subhanahu wa Ta'ala. Awit saking sedaya kanikmatan, kasarasan, saha hidayah ingkang tansah kaluberaken dhumateng kita sedaya, saengga kita taksih dipunparingi wekdal pinanggih kempal wonten ing papan ingkang suci punika kanthi niyat ngibadah dhumateng Panjenenganipun. Shalawat saha salam mugi tansah katur dhumateng junjungan kita, Nabi Agung Muhammad shallallahu 'alaihi wasallam, kulawarga, para sahabat, saha para pendherekipun ngantos pungkasaning jaman.
Khatib ugi ngengetaken dhumateng dhiri pribadi saha dhumateng para jamaah sedaya, sumangga kita sami ningkataken kualitas iman lan taqwa dhumateng Allah Ta'ala kanthi nindakaken sedaya dhawuh-Dhawuhipun saha nebihi sedaya awisan-Awisanipun. Karana namung kanthi taqwa ingkang sejati, kita saged pikantuk kawilujengan wonten ing dunya lan akherat.
Ma’asyiral Muslimin rahimakumullah,
Anak menika minangka salah satunggaling kanikmatan ageng, pepasren ing pagesangan dunya, ugi amanah suci ingkang dipuntitipaken dening Allah Subhanahu wa Ta'ala dhumateng kita minangka tiyang sepuh. Saben jabang bayi ingkang miyos ing alam dunya menika kados dene lembaran kertas pethak ingkang resik lan suci. Kados pundi werninipun kertas kalawau, gumantung dhumateng sinten ingkang nyerat lan nggambar wonten ing sanginggilipun.
Kanjeng Nabi Muhammad shallallahu 'alaihi wasallam sampun ngendika wonten ing haditsipun:
كُلُّ مَوْلُودٍ يُولَدُ عَلَى الْفِطْرَةِ فَأَبَوَاهُ يُهَوِّدَانِهِ أَوْ يُنَصِّرَانِهِ أَوْ يُمَجِّسَانِهِ
Ingkang tegesipun: Saben-saben bocah lair ing kahanan fitrah (suci). Nanging wong tuwane kalorone kang ndadekake bocah mau Yahudi, utawa Nasrani, utawa Majusi.
Hadits punika paring pitedah ingkang cetha bilih peranipun tiyang sepuh sanget nemtokaken dhasar kaimanan saha kapribadenipun anak. Panggulawenthah agami wiwit alit sanes perkawis ingkang saged dipunsepelekaken utawi dipunendhe-endhe. Menawi wiwit alit manahipun lare sampun dipuntanemi wiji tauhid, dipuntepangaken kaliyan Gusti Allah, dipunwulang tresna dhumateng Rasulullah, lan dipunulinakaken nindakaken shalat, mila wiji punika badhe tuwuh ngrembuyung dados wit ingkang kukuh oyodipun lan manis wohipun.
Ma’asyiral Muslimin rahimakumullah,
Sahabat Ali bin Abi Thalib karramallahu wajhah nalika nafsiraken ayat ingkang sampun kawaos ing ngajeng, ngenani dhawuhipun Allah supados njagi dhiri lan kulawarga saking siksa geni neraka, panjenenganipun ngendika:
عَلِّمُوْهُمْ وَأَدِّبُوْهُمْ
Ingkang tegesipun: Wulangen agama marang dheweke kabeh, lan gulawenthahen kanthi budi pekerti kang luhur.
Pramila, paring piwulang agami wiwit alit punika wujud katresnan ingkang saestu saking tiyang sepuh dhumateng anakipun. Menawi kita namung mikiraken sangu dunya kagem anak, nyukupi sandhang pangan lan sekolahipun nanging supe boten mucal babagan akheratipun, sejatine kita saweg nuntun anak kita dhumateng jurang kapitunan. Rasulanullah shallallahu 'alaihi wasallam ugi ngendika:
مَا نَحَلَ وَالِدٌ وَلَدًا مِنْ نَحْلٍ أَفْضَلَ مِنْ أَدَبٍ حَسَنٍ
Ingkang tegesipun: Ora ana paweweh saka wong tuwa marang anake kang luwih utama tinimbang budi pekerti kang becik.
Ma’asyiral Muslimin rahimakumullah,
Sumangga kita sami ngraosaken lan ngangen-angen wonten ing telenging manah kita. Bayangna nalika dinten qiyamat sampun dawah, nalika sedaya manungsa sami bingung lan ajrih ngadhepi pangadilanipun Allah. Pinten-pinten tiyang sepuh ingkang ngira piyambakipun sampun slamet amargi kathah amalanipun, ananging dumadakan kagendeng dhumateng neraka amargi tuntutanipun putra-putrinipun piyambak. Ing dinten punika anak-anakipun matur ing ngarsanipun Allah: Dhuh Gusti, tiyang sepuh kula boten nate mucal kula shalat, boten nate nepangaken kula dhumateng Paduka, lan boten nate nglarang kula saking tumindak maksiat!
Kados pundi getun lan ajrihipun manah kita menawi anak ingkang kita tresnani wonten ing dunya, ing akherat benjang malah dados mungsuh ingkang njlomprongaken kita wonten ing lebetipun geni neraka?
Kosok wangsulipun, kados pundi kabingahan ingkang tanpa upami menawi nalika jasad kita sampun sumare wonten ing jroning kubur, piyambakan ing pepeteng, ananging kubur kita dumadakan dados padhang jingglang lan wiyar amargi donga ingkang tansah mili saking putra-putri ingkang shalih:
رَبِّ اغْفِرْ لِيْ وَلِوَالِدَيَّ وَارْحَمْهُمَا كَمَا رَبَّيَانِيْ صَغِيْرًا
Ingkang tegesipun: Dhuh Gusti kula, mugi Paduka ngapunten sedaya dosa kula lan dosanipun tiyang sepuh kula kalorone, saha mugi Paduka paring sih katresnan dhumateng kekalihipun kados dene anggenipun sampun nggulawenthah kula nalika taksih alit.
Ma’asyiral Muslimin rahimakumullah,
Saderengipun telat, saderengipun anak-anak kita kecanduan lan risak dening fitnah jaman ingkang tansah ngancam, sumangga kita rangkul putra-putri kita kanthi panggulawenthah agami ingkang leres. Ajaraken shalat kanthi tuladha ingkang nyata, wulangaken Al-Qur'an, lan tancepaken raos ajrih dhumateng Allah wonten ing manahipun. Mugi-mugi Allah Subhanahu wa Ta'ala tansah paring pitulung dhumateng kita sedaya supados saged nggulawenthah putra-putri kita dados generasi ingkang shalih lan shalihah, ingkang dados panyejuk mripat ing dunya lan dhalang kamulyan wonten ing akherat.
بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ الْآيَاتِ وَالذِّكْرِ الْحَكِيْمِ. أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ وَالْمُسْلِمَاتِ فَاسْتَغْفِرُوْهُ إِنَّهُ هُوَ الْغَفُوْرُ الرَّحِيْمُ.
Khutbah Kedua
اللهُمَّ صَلِّ عَلَى سَيِّدِنَا مُحَمَّدٍ وِعَلَى اَلِهِ وَأَصْحَابِهِ وَسَلِّمْ تَسْلِيْمًا كِثيْرًا.
أَمَّا بَعْدُ فَياَ اَيُّهَا النَّاسُ اِتَّقُوااللهَ فِيْمَا أَمَرَ وَانْتَهُوْا عَمَّا نَهَى
وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ فِيْهِ بِنَفْسِهِ وَثَـنَّى بِمَلآ ئِكَتِهِ بِقُدْسِهِ وَقَالَ تَعاَلَى إِنَّ اللهَ وَمَلآئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا.
اللهُمَّ صَلِّ عَلَى سَيِّدِنَا مُحَمَّدٍ صَلَّى اللهُ عَلَيْهِ وَسَلِّمْ وَعَلَى آلِ سَيِّدِناَ مُحَمَّدٍ وَعَلَى اَنْبِيآئِكَ وَرُسُلِكَ وَمَلآئِكَةِ اْلمُقَرَّبِيْنَ وَارْضَ اللّهُمَّ عَنِ اْلخُلَفَاءِ الرَّاشِدِيْنَ أَبِى بَكْرٍ وَعُمَر وَعُثْمَان وَعَلِى وَعَنْ بَقِيَّةِ الصَّحَابَةِ وَالتَّابِعِيْنَ وَتَابِعِي التَّابِعِيْنَ لَهُمْ بِاِحْسَانٍ اِلَىيَوْمِ الدِّيْنِ وَارْضَ عَنَّا مَعَهُمْ بِرَحْمَتِكَ يَا أَرْحَمَ الرَّاحِمِيْنَ.
اَللهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ اَلاَحْيآءُ مِنْهُمْ وَاْلاَمْوَاتِ اللهُمَّ أَعِزَّ اْلإِسْلاَمَ وَاْلمُسْلِمِيْنَ وَأَذِلَّ الشِّرْكَ وَاْلمُشْرِكِيْنَ وَانْصُرْ عِبَادَكَ اْلمُوَحِّدِيَّةَ وَانْصُرْ مَنْ نَصَرَ الدِّيْنَ وَاخْذُلْ مَنْ خَذَلَ اْلمُسْلِمِيْنَ وَ دَمِّرْ أَعْدَاءَ الدِّيْنِ وَاعْلِ كَلِمَاتِكَ إِلَى يَوْمَ الدِّيْنِ.
اللهُمَّ ادْفَعْ عَنَّا اْلبَلاَءَ وَاْلوَبَاءَ وَالزَّلاَزِلَ وَاْلمِحَنَ وَسُوْءَ اْلفِتْنَةِ وَاْلمِحَنَ مَا ظَهَرَ مِنْهَا وَمَا بَطَنَ عَنْ بَلَدِنَا اِنْدُونِيْسِيَّا خآصَّةً وَسَائِرِ اْلبُلْدَانِ اْلمُسْلِمِيْنَ عآمَّةً يَا رَبَّ اْلعَالَمِيْنَ.
رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ. رَبَّنَا ظَلَمْنَا اَنْفُسَنَا وَاإنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ.
عِبَادَاللهِ! إِنَّ اللهَ يَأْمُرُ بِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ وَاْلبَغْي يَعِظُكُمْ لَعَلَّكُمْ تَذَكَّرُوْنَ وَاذْكُرُوا اللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ أَكْبَرُ