اَلسَّلَامُ عَلَيْكُمْ وَرَحْمَةُ اللهِ وَبَرَكَاتُهُ
اَلْحَمْدُ للهِ رَبِّ الْعَالَمِينَ، وَالصَّلَاةُ وَالسَّلَامُ عَلَى أَشْرَفِ الْأَنْبِيَاءِ وَالْمُرْسَلِينَ، سَيِّدِنَا مُحَمَّدٍ وَعَلَى آلِهِ وَصَحْبِهِ أَجْمَعِينَ. أَمَّا بَعْدُ.
[JEDA]
Bapak-bapak, Ibu-ibu, sedherek sedaya Bani Mbah Muajjam ingkang dipun mulyakaken Allah. Puji syukur dhumateng Gusti Allah, dinten menika kita saget kempal manunggal, adep-adepan, dudu nunggu antrian sembako, nanging reuni keluarga. Mugi-mugi sholawat saha salam tetep katur dhumateng Kanjeng Nabi Muhammad SAW, ingkang kita tengga-tengga syafaatipun benjang ing yaumul qiyamah.
Kula ingkang jumeneng wonten ngajeng menika, piyambakipun namine [Nama Anda], ingkang dipun dhawuhi dados MC. Nanging ampun kaget, dados MC reuni menika bebanipun abot, bilih salah ngomong saged dipun coret saking daftar waris, nggih mboten nganti nggih? Hehehe. Matur nuwun sanget dhumateng para sesepuh, dumateng ingkang terhormat keluarga besar Bani Mbah Muajjam, matur nuwun sampun kersa rawuh.
[JEDA]
Acara ingkang sepisan inggih menika pembukaan. Mangga kita buka kanthi waosan Ummul Kitab, kanti pangajab mugi acara reuni menika lancar, guyub rukun, lan mboten entek-entek dhaharane. Al-Fatihah...
[JEDA]
Acara salajengipun inggih menika sambutan shohibul bait, Bapak Yuswanto sekeluarga. Matur nuwun dhumateng Pak Yuswanto ingkang sampun kersa dados tuan rumah. Nadyan nggih kita sedaya ngertos, dados tuan rumah niku nggih susah-susah gampang, susah nggawe wedang, gampang entek jajanipun. Dhumateng Bapak Yuswanto, wekdal saha panggenan kawulo sumanggakaken.
(Sambutan selesai)
Maturnuwun Pak Yuswanto sampun sambutan, nggih mugi-mugi sedoyo amal sae lan suguhannipun dados berkah, dados penggugur dosa, lan sing penting nggih wau jajanipun kathah sanget punika.
[JEDA]
Acara selajengipun inggih menika Khotmil Qur’an. Mugi kanthi waosan ayat suci Al-Qur'an menika, keluarga Bani Mbah Muajjam tansah dipunparingi keslametan, rizki ingkang barokah, lan mboten gampang tukaran mung gara-gara masalah warisan utawi masalah sepele sanesipun. Dhumateng para petugas ingkang sampun ditunjuk, monggo kawulo sumanggakaken.
(Selesai Khotmil Qur’an)
Alhamdulillah, Khotmil Qur’an sampun kalampah kanthi khusyuk. Mugi-mugi sedaya ingkang waos lan ingkang mirengaken angsal syafaatipun Al-Qur’an.
[JEDA]
Acara ingkang pungkasan inggih menika Tahlil. Tahlil menika kunci supaya kita eling dhumateng Mbah Muajjam lan leluhur-leluhur kita sedaya. Dhumateng bapak [Nama Tokoh/Pemimpin Tahlil], kawulo sumanggakaken.
(Selesai Tahlil)
Maturnuwun dhumateng Bapak [Nama Tokoh], mugi-mugi doa kita sedaya dipunijabah dening Allah SWT.
[JEDA]
Bapak-bapak, Ibu-ibu sedaya, ngoten wau lampahing acara reuni Bani Mbah Muajjam dinten menika. Kula minangka MC, bilih wonten klenta-klentunipun atur, utawi guyonan kula ingkang kirang mranani penggalih, kula nyuwun agunging samudro pangaksami. Menawi wonten jajan ingkang kirang, nggih nyuwun pangapunten, menawi jajanipun entek, nggih punika nasib.
Cekap semanten, akhirul kalam, billahitaufik wal hidayah.
وَالسَّلَامُ عَلَيْكُمْ وَرَحْمَةُ اللهِ وَبَرَكَاتُهُ